#مدونـ(أدهوميتا)ــة#-*أحمد.صبري.غباشي*

أدهم صبري (رجل المستحيل) في فيلم سينما .. أخيراً !!!

فل عليكو ..

انا مخصص التدوينة دي عشان أقدم مفاجأة لكل قراء روايات مصرية للجيب .. لقراء سلسلة : رجل المستحيل تحديداً ..

صحيح هي مش هتبقى مفاجأة اوي لأني مش المصدر الوحيد اللي بينشر الخبر ده ، وصحيح إني متأخر أسبوعين في نشر الخبر بعد لما اتأكد وده لأني كسول ومتخاذل وبطيء الحركة كعادتي في الفترة الأخيرة ، وصحيح إن كل ده ممكن يجرد التدوينة من نعت : المفاجأة ..

بس انا بنشرها على أمل ان لسه فيه ناس كتير مش متابعة ومعرفتش الخبر ..

أخيراً أدهم صبري هيبقى كاراكتر سينمائي ، وهنشوفه في فيلم .. الخبر اللي احنا مستنيين تأكيده وتنفيذه بقالنا ما يقرب من 10 سنين ..

ظهور د. نبيل فاروق في وسائل الإعلام مؤخراً كان مكثف نوعاً ما .. وفي حلقة من الحلقات اللي كانت ع الهوا اتذاعت على قناة الحياة على ما أذكر في أول الشهر ده - يوليو 2008 - ، قال إنه هيبقى فيه مؤتمر قريب هيعمله أخيراً بخصوص فيلم أدهم صبري ..

فرحت جداً طبعاً وفضلت مستني التنفيذ وانعقاد المؤتمر .. وقد كان الحمد لله وصابت المرة دي مش زي كل مرة ..

شوفوا معايا مقاطع منه على اليوتيوب

http://youtube.com/watch?v=bHZEIXJ8QP4

http://youtube.com/watch?v=x_emSCB-3lk&feature=related

تم الاتفاق مع شركة روتانا إنها تنتج الفيلم ، وهيكتب السيناريو محمد حفظي عن قصة من مغامرات أدهم صبري ستتم كتابتها خصيصاً للسينما ..

وسيتم عرض الفيلم بإذن الله مع الاحتفال باليوبيل الفضي لسلسلة رجل المستحيل .. بعد خمسة وعشرين سنة من صدور أول أعدادها : الاختفاء الغامض ..

يعني تقريباً بعد سنة ونص من دلوقت .. والخبر الأكيد إن اللي هيجسد دور أدهم هيكون وجه جديد - وانا مع ده جداً - مش نجم معروف زي ما كان متوقع ، وكان احتمالات أحمد عز تحديداً كبيرة جداً ..

نقلتلكو انا حالاً فرحتي العارمة بالخبر كشخص متابع وقارئ قديم للسلسلة وكـ حد بيحب شخصية أدهم صبري جداً ..

ودلوقت يؤسفني إني أنقل خيبة املي الشديدة كشخص مبدع وعنده - إلى حدٍ ما - حس فني .. هتسألوني ليه ؟ .. نقول ليه !

ممكن نختلف كتير مع بعض في مستوى الأعداد في رجل المستحيل وارتفاعها وانخفاضها وما شابه .. بس اللي انا دايماً متأكد منه إني من جوايا حابب شخصية أدهم صبري جداً .. جداً ..

عنوان مدونتي أدهوميتا .. مستمد من نيك نيمي اللي اتعرفت بيه ع النت من ساعة ما بدأت نت : أدهوووم الأمير ..

واسمي ع النت ده كان نتيجة لتأثري الشديد وحبي لـ أدهم صبري ..

ومن حوالي سنتين .. وانا بحلم إني ألعب انا الدور ده .. مش من الناحية السينمائية طبعاً .. مفكرتش في كده خالص .. بس بتكلم مسرحياً ..

مشروع مسرحة أدهم صبري وتقديمه في قالب مسرحي في دماغي بقاله زمان ومتحمس له .. وكان نفسي أعمله قبل صدور الفيلم والتجهيز له .. على الأقل عشان ابقى أنا اول واحد مثلته .. النص والإعداد المسرحي كانوا في دماغي فعلاً .. واقفين بس ع الكتابة .. خصوصاً إن اكتر من حد فعلاً قاللي إني على مستوى الملامح والفيزيكال - بغض النظر عن نحافتي طبعاً ، ودي مسائل محرجة مش هتكلم فيها دلوقت - ممكن أعمل الدور وأبقى شبهه ..

وعلى فكرة لسه الفكرة دي في دماغي لحد دلوقت .. مستني بس الفرصة .. المخرج المتحمس اللي بعمل معايا ده .. والتمويل طبعاً ..

والموضوع مش ضخم ومخيف زي ما هو في السينما .. لا في المسرح أسهل بكتير وأقرب ليا بما إني في الوسط المسرحي أصلاً .. وحتى بعد ما ظهر الفيلم وتم الإعلان عنه ناوي أنفذها بإذن الله ..

كل اللي بتمناه يا رب بس يطلع الفيلم زي ما احنا عاوزين ومتخيلينه .. ويكون له طابع عربي قوي واضح .. ويبقى أدهم فعلاً شخصية سينمائية فائقة النجاح زي ما هو روائياً ..

ألف مبروك لد. نبيل فاروق .. وألف مبروك لينا كلنا كقراء .. وألف مبروك لكل الجماهير اللي هتشوف سينما نضيفة وراقية أخيراً !!

وفل علينا

أحمد

ورد علينا00

2008-07-26

،

07:29 ص

.. من قبل rodhawp

..

..

فل علينا
ورد علينا
00
منتظرين المسرحيه
تحياتى

أممم بالنسبة لي متوقعة إني أحبط

2008-07-29

،

05:10 م

.. من قبل Anonymous

..

..

الحقيقة إني مش متفائلة..

أدهم صبري بالنسبة لنا تاريخ ..عمر بحالة.. قد نناقش للصبح كما قلت تفاوت الأعداد ، خاصة ما بعد المائة..

كبر سننا -سني أنا يا سيدي مش أنت :D- والابتعاد عن الولع الحالي بسلسلة رجل المستحيل نفسها.

ولكن شخصية ادهم صبري، كانت وما زالت وستزال على ما اعتقد بإذن الله، لها من المكانة لدي درجة عالية..

إنه قطعة من الخيال الصرف ، أن تكسر هذه الشخصية عالم الخيال لتتجسد أمامي على الشاشة..

اشعر إنني لن أقتنع بها، لو صنعوا فيلم يفوق أجود أفلام هوليود جودة ، وذو صبغة مصرية واضحة وبه كافة المميزات

سيظل الخيال هو الغالب..

غالبًا، من لم يعشق روايات رجل المستحيل، من لم يعتبر أدهم صبري رفيق طفولة وصبا .. هم من سيحبون الفيلم لو خرج بصورة جيده فنيًا

ولكن نحن؟! من تشربنا ادهم لمدة تزيد عن 15 عام صعب جدًا أن تغلب الصورة على الخيال..

اعمل المسرحية بس أرجوووك في القاهرة عايزة أشوفك مرة على المسرح يا أبني أنت مطهدني؟؟!

أممم بالنسبة لي متوقعة إني أحبط

2008-07-29

،

05:11 م

.. من قبل دعاء حسين

..

..

الحقيقة إني مش متفائلة..

أدهم صبري بالنسبة لنا تاريخ ..عمر بحالة.. قد نناقش للصبح كما قلت تفاوت الأعداد ، خاصة ما بعد المائة..

كبر سننا -سني أنا يا سيدي مش أنت :D- والابتعاد عن الولع الحالي بسلسلة رجل المستحيل نفسها.

ولكن شخصية ادهم صبري، كانت وما زالت وستزال على ما اعتقد بإذن الله، لها من المكانة لدي درجة عالية..

إنه قطعة من الخيال الصرف ، أن تكسر هذه الشخصية عالم الخيال لتتجسد أمامي على الشاشة..

اشعر إنني لن أقتنع بها، لو صنعوا فيلم يفوق أجود أفلام هوليود جودة ، وذو صبغة مصرية واضحة وبه كافة المميزات

سيظل الخيال هو الغالب..

غالبًا، من لم يعشق روايات رجل المستحيل، من لم يعتبر أدهم صبري رفيق طفولة وصبا .. هم من سيحبون الفيلم لو خرج بصورة جيده فنيًا

ولكن نحن؟! من تشربنا ادهم لمدة تزيد عن 15 عام صعب جدًا أن تغلب الصورة على الخيال..

اعمل المسرحية بس أرجوووك في القاهرة عايزة أشوفك مرة على المسرح يا أبني أنت مطهدني؟؟!

تعليق بدون عنوان

2008-07-29

،

05:27 م

.. من قبل ruminant

..

..

نظرتي للموضوع نفسها التي ذكرتها العزيزة دعاء..
لا اتخيل شخصية أدهم صبري على الواقع...

ياعم ارحم امنا

2008-07-29

،

06:26 م

.. من قبل Anonymous

..

..

عاملي فيها كاتب و مثقف و داخل فل عليكم كأنك سمكري قاعد في بتشد حجر شيشة مع زميلك بتاع الشكمانات..مش فاهم يعني انتا عاوزهم ياخدوك انتا بدال الواد اللي حايمثل يعني ده اللي مزعلك أوي ...فعلا فيه ناس كده تنقط

أدهم صبري = جيمس بوند

2008-07-30

،

06:08 ص

.. من قبل عبد العزيز عبد الحميد

..

..

في رأيي مهما حاولنا لن نجد خصوصية في أدهم صبري سنجد صورة مشوهة من جمس بوند تنطق بالعربية قد تكون وجهة نظري محبطة ولكنها وجهة نظر جديرة بالنظر فنحن أمام نسخة معربة من جيمس بوند شئنا أم أبينا صدقنا أو أنكرنا أدهم صبري هو نسخة طبق الأصل من جيمس بوند بل إن النص الإنجليزي أجود أنا لا أتحدث عن الأفلام أنا أتحدث عن الروايات الإنجليزية غير المعربة إيان فيلمنج روائي إنجليزي قبل أن يكون عميل مخابرات يجيد كتابة القصص والروايات بعكس نبيل فاروق وهذا رأي ولا آلو عليه.

أرسل تعليق
من:	*  عضو مسجل: [ دخول / التسجيل ]
* عنوان الموقع:
* البريد الإلكتروني:
الموضوع:
* النص:
* الرمز: